Ang Christus Room

Isang nakamamanghang rotonda na nagtatampok ng replica ng Christus ni Thorvaldsen na kasama ang 12 sa orihinal na mga apostol gaya ng matatagpuan sa Church of Our Lady sa Copenhagen, Denmark. Nagtatampok ang rotonda ng orihinal na curving mural ni Joseph Brickey ng isang kanayunan sa Italy na may mga sinag ng araw na nakasentro sa Christus.

Ang Villa

Ang maaliwalas na replika ng tradisyonal na bahay sa Italy ay nagbibigay ng perpektong lugar para makausap ang magigiliw na volunteer, magtanong, o pag-isipan ang kahalagahan ng pamilya at pagtitipon sa plano ng Diyos.

Modelo ng Templo

Isa sa 5 modelo ng templo sa buong mundo, ang scale replica na ito ay nagpapakita ng loob ng Templo kung saan ang mga miyembro ng Ang Simbahan ni Jesucristo ng mga Banal sa mga Huling Araw ay nagsasagawa ng mga sagradong ordenansa at gumagawa ng mga pangako sa Diyos. Ipaliliwanag ng mga volunteer ang mga ordenansa at ang simbolismo ng bawat silid.

Stained Glass

Pagmasdan ang nakamamanghang orihinal na likhang stained glass na pinamagatang "Come Unto Me" na ginawa nina Tom at Gayle Holdman at ng kanilang art studio. Sa unang tingin, ang likha ay tila isang eksena na nagtatampok kay Cristo at sa Kanyang mga disipulo, ngunit kapag tiningnan nang malapitan, makikita ang higit sa 100 larawang may kaugnayan sa ministeryo ng Tagapagligtas dito sa lupa at mga simbolo mula sa bawat talinghaga Niya sa Bagong Tipan.

Libreng Tour

Huwag mag-atubiling pumasok at maglakad-lakad dito. Ngunit nais ka rin naming bigyan ng isang personal na guided tour kasama ang isa sa aming magigiliw na volunteer, o mag-book ng virtual tour upang malaman ang tungkol sa magandang sining na itinatampok sa Visitors' Center, ang layunin ng mga Templo , at para masagot ang iyong mga katanungan. Hindi kinakailangang magpa-iskedyul para sa mga personal na pagbisita.

Mesa ng Aklat ni Mormon

Tuklasin ang Aklat ni Mormon, Isa pang Tipan ni Jesucristo, sa mahigit 24 na wika, at makatanggap ng libreng kopya para mabasa mo ito.

Mga Theater Room

Manood ng maiikling video na nakasentro kay Jesucristo at sa kagalakang nagmumula sa pagmumuhay ng Kanyang Ebanghelyo. Manood rin ng isang video para malaman kung ano ang nasa loob ng Templo.

Tuklasin ang Kwento ng Iyong Pamilya

Ang Family History Library ay isang pasilidad kung saan ang lahat ay maaaring matuto nang higit pa tungkol sa kasaysayan ng kanilang pamilya at makadama ng kagalakan habang tinutuklas, tinitipon, at kinokonekta nila ang kanilang pamilya - sa nakaraan, kasalukuyan, at hinaharap.
May mga dalubhasang research specialist na palaging nariyan para magbigay ng libreng personal na tulong para mahanap mo ang iyong mga ninuno at palaguin ang iyong family tree.

Matuto Nang Higit Pa

Sumamba sa Amin

Inaanyayahan ang lahat na dumalo sa aming mga serbisyong Kristiyano na nakatuon sa pagmamahal sa Diyos at sa ating kapwa. Ikaw ay inaanyayahang dumalo at samahan kami sa aming serbisyo sa pagsamba kung saan kami ay umaawit ng mga himno, nakikinig ng mga sermon, at natututo pa tungkol sa Tagapagligtas na si Jesucristo.

Samahan Kami