Pse janë të rëndësishëm tempujt?
Nga Donovan Marshall dhe Noah Talley
Kisha e Jezu Krishtit e Shenjtorëve të Ditëve të Mëvonshme ka rreth 300 tempuj të ndërtuar në mbarë botën. Pse kaq shumë mund të pyesni? Për të sjellë bekimet e familjeve të përjetshme për të gjitha kombet, fiset dhe gjuhët.
Një komponent thelbësor i tempullit është fuqia që jepet nga Perëndia për të kryer akte të shenjta besimi, të quajtura ordinanca. Kjo fuqi quhet priftëri dhe a jepet që “njerëzit të dinë se në çfarë mënyre të presin me padurim Birin e tij për shëlbim”. (Alma 13:2). Meshkujt e denjë mund ta marrin priftërinë dhe ta përdorin atë për të kryer ordinancat e shenjta në tempull. Ordinanca të tilla të shenjta na afrojnë më shumë me Jezu Krishtin. Kur kryhen ordinancat, bëhen premtime me Krishtin, të cilat na forcojnë shpirtërisht dhe na udhëheqin gjatë gjithë përpjekjes sonë të jetës për të jetuar përsëri me Perëndinë. Ne mund të shpengohemi ose të shpëtojmë, kur bëjmë premtime të veçanta me Krishtin, pagëzohemi nga një mbajtës i denjë i priftërisë dhe jemi të bindur ndaj premtimeve të bëra.
Jo të gjithë ata që kanë jetuar në tokë kanë pasur mundësinë të pagëzohen. Megjithatë, ne lexojmë në shkrimet e shenjta se "nëse një njeri nuk lind nga uji dhe nga Fryma, ai nuk mund të hyjë në mbretërinë e Perëndisë" (Gjoni 3:5) Është e nevojshme që çdo fëmijë i Perëndisë të pagëzohet që të mund të kthehen përsëri tek Ati i tyre në Qiell. Perëndia na dha tempuj që njerëzit të mund të kryejnë pagëzime për dhe në emër të paraardhësve të vdekur, të cilët nuk ishin në gjendje të pagëzoheshin vetë. Kjo është diçka e veçantë që anëtarët e kishës 12 vjeç e lart kënaqen ta bëjnë sa më shpesh të jetë e mundur. Kjo është një mënyrë se si tempulli mund të bekojë familjet dhe çdo individ.
Familjet kanë aftësinë të jetojnë së bashku përgjithmonë nëpërmjet ceremonive të kryera në tempull. Një nga këto ceremoni quhet martesa në tempull ose vulosje. Në këtë ceremoni, bashkëshortët dhe fëmijët mund të vulosen së bashku përgjithmonë. Falë ordinancave të kryera në tempull, fraza "deri në vdekje të ndahemi" nuk i kufizon familjet në varr. Në vend të kësaj, bashkëshortët dhe fëmijët mund të kenë sigurinë ngushëlluese se do të jetojnë përsëri me familjet e tyre pas vdekjes. Vetëm në këto ndërtesa të shenjta Krishti mund të na bekojë me një martesë të përjetshme që shkon përtej varrit. Kjo është ajo që largon thumbin e vdekjes nga anëtarët e Kishës së Jezu Krishtit të Shenjtorëve të Ditëve të Mëvonshme.
Ndërsa ndërtohen më shumë tempuj, bekimet që vijnë nga tempulli do të jenë të disponueshme për më shumë njerëz anembanë botës. Për të hyrë në tempull kërkohet një përgatitje. Megjithatë, të gjithë janë të mirëpritur dhe inkurajuar të vijnë në tempull për ta admiruar atë, për të mësuar rreth tij dhe për të ndier dashurinë e Perëndisë. Në tempullin e Romës në Itali, ka një qendër vizitorësh ku mund të vini për të mësuar më shumë rreth tempullit dhe premtimeve që bëjmë në të.
Për më shumë informacion rreth tempujve, vizitoni Churchofjesuschrist.org, bisedoni me misionarët vendas ose planifikoni një turne në qendrën e vizitorëve.
