Tempulli i Romës në Itali
Një tempull konsiderohet një shtëpi e mirëfilltë e Zotit, ku anëtarët e Kishës së Jezu Krishtit të Shenjtorëve të Ditëve të Mëvonshme shkojnë për të thelluar zotimin e tyre ndaj ungjillit. Brenda kësaj ndërtese të shenjtë, anëtarët besnikë të Kishës bëjnë premtime me Perëndinë dhe afrohen më shumë me Të nëpërmjet ceremonive të shenjta të quajtura ordinanca.
Tempulli i Romës në Itali ndodhet në një vend të spikatur në Romë dhe është bërë një pikë referimi lokale për vendasit, turistët dhe udhëtarët e çdo lloji.
Vizitorët janë të ftuar të shijojnë kopshtet botanike, ujërat qetësuese që rrjedhin nga Tempulli drejt statujës “Christus” [“Krishti”] dhe të shijojnë terrenin e jashtëzakonshëm. Ndërsa jeni duke vizituar, ndaluni në Qendrën e Vizitorëve për një përvojë ndërvepruese. Mësoni më shumë >>
Shumë vendas e quajnë atë Tempulli Mormon, por emri aktual është Tempulli i Romës në Itali. Atë e ka në pronësi Kisha e Jezu Krishtit e Shenjtorëve të Ditëve të Mëvonshme dhe vihet në funksionim prej saj.
Tempujt kanë ekzistuar prej një kohe të gjatë. Moisiu kishte një tabernakull, Salomoni ndërtoi një tempull të bukur dhe Jezusi dha mësim në tempullin e Jerusalemit. Sot, tempuj janë ndërtuar në të gjithë botën. Në mbi 140 tempuj në mbarë botën, anëtarët besnikë të Kishës së Jezu Krishtit të Shenjtorëve të Ditëve të Mëvonshme gjejnë mundësi për mendim të thellë paqësor dhe për të mësuar më shumë rreth planit të Perëndisë për lumturinë. Brenda tempujve, çiftet mund të martohen për përjetësinë, jo vetëm “derisa vdekja t’ju ndajë”. Anëtarët e Kishës mund të kryejnë gjithashtu pagëzime dhe ordinanca të tjera për të dashurit e tyre që vdiqën pa i marrë këto bekime.
Tempujt ndryshojnë nga godinat kishtare të zakonshme që gjenden anembanë botës, ku anëtarët mblidhen për shërbimet e adhurimit të së dielës. Ka disa godina kishtare të vendosura pranë Tempullit të Romës dhe vizitorët janë gjithmonë të mirëpritur të marrin pjesë. Klikoni këtu për më shumë informacion rreth orareve dhe vendndodhjeve të shërbimeve të adhurimit.
Pasi të ndërtohet ose rinovohet një tempull, të gjithë janë të mirëpritur të marrin pjesë në një shtëpi të hapur publike dhe të vizitojnë tempullin. Pasi një tempull përkushtohet, të gjithë janë ende të mirëpritur për të shijuar terrenin e bukur dhe Qendrën e Vizitorëve. Megjithatë, hyrja në tempuj më pas rezervohet për anëtarët besnikë të Kishës që dëshirojnë të marrin pjesë në ceremonitë e tempullit.
Çdokush, pavarësisht nga feja, është i mirëpritur të vizitojë terrenin e Tempullit të Romës në Itali, të marrë pjesë në shërbimet e adhurimit në godinat kishtare, të bëjë kërkime në Bibliotekën e programit FamilySearch, të vizitojë Qendrën e Vizitorëve dhe të përdorë strukturat e tjera.
Vendi i Paqes dhe Mësimit
Për anëtarët e Kishës, Tempulli i Romës në Itali është menduar të jetë një vend mësimi dhe një vend paqeje. Është një vend ku ata mund të marrin udhëzime shpirtërore për vendimet në jetën e tyre. Për shkak se çdo tempull është Shtëpia e Zotit, vizita e tempullit mund t’i ndihmojë ata të ndiejnë një afërsi të veçantë me Perëndinë. Kjo ndjenjë mund të japë shpresë dhe drejtim gjatë sfidave të jetës.
Anëtarët e Kishës së Jezu Krishtit të Shenjtorëve të Ditëve të Mëvonshme kryejnë disa ordinanca në Tempullin e Romës. Ordinancat janë veprime të shenjta që krijojnë një premtim detyrues midis Perëndisë dhe një personi që dëshiron të kthehet në praninë e Perëndisë.
Pagëzimi
Jezusi dha mësim që pagëzimi ishte kërkesë për të hyrë në mbretërinë e qiejve. Por çfarë ndodh me njerëzit që vdesin pa pasur mundësinë për t’u pagëzuar?
Në Tempullin e Romës në Itali, anëtarët besnikë të Kishës pagëzohen në emër të këtyre njerëzve – një praktikë që ndodhi gjithashtu gjatë kohëve biblike. Pjesëmarrësit vishen me të bardha dhe pagëzohen me zhytje për anëtarët e familjes që vdiqën pa u pagëzuar në Kishën e Tij. Pagëzimet për të vdekurit u japin atyre që kanë ndërruar jetë, mundësinë për të zgjedhur a ta pranojnë apo jo atë pagëzim dhe ta ndjekin Jezu Krishtin.
Dhurimi
Fjala dhurim do të thotë dhuratë. Ata që marrin dhurimin në tempull, marrin bekime të ndryshme, të tilla si njohuri më të madhe për qëllimet e Perëndisë dhe fuqinë për t'i bërë ballë tundimit e për të ndjekur Jezu Krishtin.
Ceremonia e dhurimit jep mësim për dashurinë e Perëndisë për të gjithë fëmijët e Tij dhe planin e Tij për lumturinë e tyre. Pjesëmarrësit bëjnë premtime të veçanta me Perëndinë të quajtura besëlidhje. Ata bëjnë besëlidhje që t’u binden urdhërimeve të Perëndisë dhe të ndjekin Jezu Krishtin. Në këmbim, Perëndia premton bekime të mrekullueshme në këtë jetë dhe mundësinë për të jetuar me Të si familje të përjetshme pas kësaj jete.
Martesa
Ceremoni martesore të quajtura vulosje në tempull, zhvillohen gjithashtu brenda Tempullit të Romës në Itali. Për shkak se Perëndia dëshiron që ne të jemi të lumtur përgjithmonë, martesa dhe marrëdhëniet familjare duhet të zgjasin shumë më tepër se “derisa vdekja t’ju ndajë”.
Gjatë vulosjes në tempull, nusja dhe dhëndri gjunjëzohen dhe bashkojnë duart mbi një altar të thjeshtë. Ata premtojnë ta nderojnë dhe duan njëri-tjetrin dhe zotohen të ndjekin Jezu Krishtin. Në këmbim, atyre u premtohen bekimet vulosëse të marrjes së gjithçkaje që ka Ati, duke përfshirë martesën e tyre dhe familje që zgjat përgjithmonë, madje përtej vdekjes.
Një Fener për të Gjithë
Tempulli i Romës është një fener shpirtëror si dhe i njëmendtë për njerëzit në Itali. Është një kujtues për të gjithë se është një vend ku individët mund të shkojnë për të bërë premtime të shenjta me Perëndinë, për të ndier Shpirtin e Tij dhe për të shpëtuar nga kërkesat e ethshme të jetës së përditshme.
Pyetje që Bëhen Rëndom
Vizitorët mund të vizitojnë çdo tempull të Kishës së Jezu Krishtit të Shenjtorëve të Ditëve të Mëvonshme përpara se të përkushtohet për qëllimet e tij të shenjta. Pasi një tempull të përkushtohet, ai bëhet një vend adhurimi ku anëtarët besnikë të Kishës shkojnë për t’u afruar më shumë me Perëndinë. Për të ruajtur natyrën e shenjtë të tempujve pasi ata të përkushtohen, vizitorët mund të shijojnë strukturën nga jashtë, ndërsa hyrja është e rezervuar vetëm për anëtarët besnikë të Kishës.
Të gjithë, pavarësisht nga feja, prejardhja apo besimet, janë më se të mirëpritur të shijojnë pellgun e qetë të reflektimit dhe kopshtet, të bëjnë një vizitë në Qendrën e Vizitorëve, të mësojnë për jetën e Krishtit përmes veprave artistike dhe muraleve dhe të bashkohen me ne të dielën për shërbimet e adhurimit lartësues shpirtërisht.
Tempujt janë njëmend shtëpitë e Zotit. Ata janë vende ku individët mund të shkojnë për të bërë premtime të shenjta me Perëndinë, për të ndier Shpirtin e Tij dhe për të shpëtuar nga kërkesat e ethshme të jetës së përditshme.
Tempujt kanë ekzistuar prej një kohe të gjatë. Moisiu kishte një tabernakull, Salomoni ndërtoi një tempull të bukur dhe Jezusi dha mësim në tempullin e Jerusalemit. Sot, tempuj janë ndërtuar në të gjithë botën. Brenda tempujve, çiftet mund të martohen për përjetësinë, jo vetëm “derisa vdekja t’i ndajë”. Anëtarët e Kishës mund të kryejnë gjithashtu pagëzime dhe ordinanca të tjera për njerëzit e tyre të dashur që vdiqën pa i marrë këto bekime.
Anëtarët e Kishës adhurojnë në shtëpi mbledhjesh anembanë botës dhe vizitorët janë gjithmonë të mirëpritur të marrin pjesë. Këto ndërtesa mund të përfshijnë një kishëz lagjeje apo edhe një hapësirë me qira në një ndërtesë të qytetit. Në çdo rast, këto shtëpi mbledhjesh janë vendi ku anëtarët e Kishës mblidhen së bashku rregullisht për shërbimet e adhurimit të së dielës dhe aktivitetet javore.
Po. Ndërsa nuk mund të hyni brenda vetë tempullit, jeni më se të mirëpritur të shijoni pellgun e reflektimit dhe kopshtet, të bëni një vizitë në Qendrën e Vizitorëve, të mësoni për jetën e Krishtit përmes veprave artistike dhe muraleve dhe të bashkoheni me ne të dielën për shërbime të adhurimit lartësues shpirtërisht.
Një pseudonim i zakonshëm për anëtarët e Kishës së Jezu Krishtit të Shenjtorëve të Ditëve të Mëvonshme është "mormon". Një tjetër pseudonim i zakonshëm është "Kisha LDS". Kështu, njerëzit ndonjëherë i referohen Tempullit të Romës si "tempulli mormon" ose "Tempulli LDS".
Nofka "mormon" rrjedh nga një libër i shkrimeve të shenjta që ne e kemi quajtur Libri i Mormonit: Një Testament tjetër i Jezu Krishtit. Mësoni më shumë rreth Librit të Mormonit.
Ndërsa termi "Kisha Mormone" është aplikuar prej kohësh publikisht për Kishën si një pseudonim, ai nuk është një titull i autorizuar dhe Kisha e dekurajon përdorimin e tij. Kështu, ju lutemi, ju lutemi të shmangni përdorimin e shkurtesës "LDS" ose pseudonimin "Mormon" si zëvendësues të emrit të Kishës.
Kur u referohemi anëtarëve të Kishës, preferohen termat "anëtarë të Kishës së Jezu Krishtit të Shenjtorëve të Ditëve të Mëvonshme" ose "Shenjtorët e Ditëve të Mëvonshme".
